Ka Baro Diinta
Islaamka
Live online Islamic courses
|
Ka Baro Diinta
Islaamka
Live online Islamic courses |
|
|
FADLIGA KU CADAYASHADA CADAYGA IYO INAY KA MID TAHAY WAXYAALAHA ABUURISTA WANAAGSAN AH 1195. Abuu Hureyrah (A.K.R.) wuxuu yiri: Nebigu S.C.W. wuxuu yiri: Haddii aanan ka baqeyn inay ku dhibtoodaan ummaddeyda waxaan ku faral yeeli lahaa ku cadayashada ilkaha caday Salaad walba horteed. (Bukhaari iyo Muslim). 1196. Xudeyfah A.K.R. wuxuu sheegay in Nebigu (S.C.W.) markii uu hurdada ka tooso uu afka ku jiid-jiidi jirey caday. (Bukhaari iyo Muslim) 1197. Caa’isha A.K.R. waxay tiri: ka hor intuusan Nebiga (S.C.W.) hurdada ka kicin, waxaan u soo diyaarin jirey caday iyo biyo uu ku weeseysto, si markii uu Alle soo toosiyo inta habeenka ah uu S.C.W. intuu cadaydo, u weesaysto oo markaas tukado. (Muslim) 1198. Anas A.K.R. wuxuu yiri: Nebigu (S.C.W.) wuxuu yiri: Waxaan aad idiinkaga badbadiyey oo idiinkugu adkeeyey cadayasho. (ahmiyadda iyo faa’idada ku cadayashada ilkihiinna caday darteed). (Bukhaari) 1199. Shurayx bin Haani A.K.R. wuxuu yiri: Waxaan weydiiyey Caa’isha A.K.R. waxa ay aheyd waxa ugu horreeya uu Nebiga (S.C.W.) sameyn Jirey markii uu soo galo gurigiisa? Waxay tiri: Waa cadayan jirey. (Muslim) 1200. Abuu Muusaa Al-Ashcari A.K.R. wuxuu yiri: (Mar) Waxaan aaday Nebiga S.C.W. oo arkay isagoo uu ugu jiro caday afka. (Bukhaari iyo Muslim) 1201. Caa’isha A.K.R. waxay tiri: Nebigu (S.C.W.) wuxuu yiri: Cadaygu wuxuu nadiifiyaa afka, oo raalli geliyaa Alle. (Nisaa’i iyo Ibn Khusaymah, baa ku soo weriyey sened saxiix ah). 1202. Abuu Hureyrah A.K.R. wuxuu yiri: Nebigu (S.C.W.) wuxuu yiri: Shan waxyaaloodba waa abuurista wanaagsan baa sidaas ah oo keenta: Waxay kala yihiin guditaanka, xiiridda timaha hoose la iska xiiro qaan gaaridda kaddib, iska jaridda cidiyaha, iska rifidda timaha ka soo baxay kilkilaha hoostooda la iska rifo iyo iska gaabinta shaarubbaha la iska gaabiyo. (Bukhaari iyo Muslim) 1203. Caa’isha A.K.R. waxay tiri: Nebigu (S.C.W.) wuxuu yiri: Waxaa jira toban wax oo mutadallibaadka abuurista wanaagsan ah (ama diinta xaqa ah_Islaamka). Waxay kala yihiin: Jaridda timaha Shaarubka iyo iska-gaabintooda, Gardaysiga, cadayashada, sandaarsiga, ciddiyo jarashada, farxalashada, rifidda kil-kisha, xiiridda timaha hoose iyo istinjada. Weriyaha xadiiska wuxuu sheegay inuu illaabay midda tobnaad, wuxuuna yiri waxay u badan tahay inay tahay luqluqashada. (Muslim) 1204. Ibn Cumar A.K.R. wuxuu yiri Nebigu (S.C.W.) wuxuu yiri: Gaabsha shaarubbada oo daaya Gadhka. (Bukhaari iyo Muslim) Allaah, Haynaga yeelo kuwa waanada maqla oo dhaqma kana runsheega xaqa. Cali Muuse Jaamac |
Islamic Links
|
|
